RER.lu Guestbook - Sot eis är Meenung Sign guestbook Reload Go back to the site

[Säit virdrun] 1 2 3 4 [Säit duerno] 

Admin: delete entry C. Oswald oswaldcl [ät] pt [PUNKT] lu  10/12/04   18:11:23 Date
Message Ech probéiere nees eng Kéier, méiglechst sachlech ze diskutéieren, quitte dass Kritik munchmol wéi deet a vu bestëmmte Leit net akzeptéiert gëtt. Mee den Här Gasti Thewes fuerdert mech eraus.

Ech fänke mat engem Zitat un, wat ech op Ärem Site gelies hunn: "Comme celui-ci n'est pas boudé par le grand public, mais au contraire très fréquenté, il est difficile de faire croire à un manque d'acceptation des ascenseurs de la part de la population!"

Rieds geet do vum Lift, dee vum Grond op de Plateau du Saint-Esprit féiert.

Ech huelen déi Ausso zur Kenntnis, mee ech erlaabe mer, den "avocat du diable" ze spillen: Ech si net ganz mat dëser Ausso d'accord!

Et ass nämlech a méngen Aaen en Ënnerscheed, wann Der vum Helleg-Geescht-Lift schwätzt, a vun engem R.E.R.

Beim Helleg-Geescht-Lift kommen d'Leit regelrecht "gedrëpst", wéi een dat op Lëtzebuergesch nennt. Et kommen der ni 300 op ee Schlag, mee 5 hei an 10 do.

D'Leit brauchen och ni laang ënnen ze stoen an ze warden.

Beim R.E.R. ass dat, wann Der erlaabt, e bësschen anescht. Do kommen an de Spëtzestonnen e puer honnert Leit madeneen, wann d'Zich alaafen, an déi puer honnert Leit wiere gären direkt a wa méiglech all madeneen op der Uewerfläch. Dat erfuerdert Disziplin!

An de verkéiersschwaache Stonne sinn déi Lifter dogéint iwwerproportionéiert. Dat betrëfft virun allem déi Lifter, déi fir d'Schüler geduecht sinn. An de Schoulvakanzen ass do méi oder wéineger "tote Hose".

Dann ass awer nach eppes anescht ganz wichteg: Beim R.E.R. kënnt net all 2 Minutten en Zuch, well mer sinn hei net zu Paräis, an och net zu Moskau.

Kënnt Dir Iech virstellen, wat fir e komescht Gefill dat ass, wann een 30 Minutten ënnerierdesch an engem enken Tunnel warde muss?

Mengt Dir wierklech, dass dat "kundenfreundlich" ass, an dass déi Stater Leit net ganz séier drop halen, dass si wéi gewinnt mat "hirem" Bus fuere kënnen, deen all 10 Minutte kënnt?

Den R.E.R. ass also fir déi "aner", fir d'Grenzgänger déi kee Wahlrecht hunn … oder gesinn ech dat falsch?

Och déi Einheimesch déi vun Esch oder vu Miersch kommen, wäerte sech séier opregen, wa si 30 Minutten an engem Tunnel 50 Meter déif ënnert dem Buedem warde mussen.

Ech weess, wat eng S-Bunn ass, an ech sinn och schonns mam R.E.R. zu Paräis gefuer. Ech wëll awer betounen, dass ech gradesou gär mam Bus zu Paräis fueren, quitte dass et do e bëssche méi laang dauert. Mee ech sinn esou fräi a géif gären eppes ënnerwee gesinn.

Mat beschte Gréiss,

Claude Oswald


Admin: delete entry C. Oswald oswaldcl [ät] pt [PUNKT] lu  10/12/04   17:01:43 Date
Message Oh, Här Thewes!

Ass dat do alles, wat Dir zum Thema ze soen hutt?

Ech verstinn, dass Dir e Fan vum R.E.R. sitt, an dat ass och Ärt gutt Recht.

Mee vläicht probéiert Dir, e bëssche méi sachlech ze argumentéieren, vu que dass Dir mir reprochéiert, ech géif dat net maachen.

Fir de Rescht erlaaben ech mer, Ärt Urteel unzezweifelen, dat Dir iwwert mech fällt.


Admin: delete entry Thewes Gast  10/12/04   09:59:20 Date
Message Här Oswald, ech vermessen bei Iech 't Sachlechkeet fir iwwert den öffentlechen Transport ze schwetzen.
Dir sidd secher en Fan vum Train-tram. Abee daat ass ärt gudd Recht. Ma die naiv, domm Aussoen déi Dir heiansdo vun Iech gitt, stellt an Fro, op et sech bei Iech em eng Persoun handelt déi seriös ze huelen ass.

Ech sinn op jidfer Fall fir eng sachlech Diskussioun an wär frou wann dat och op desem Site kent geschéien.


Admin: delete entry Pol  06/12/04   13:18:45 Date
Message Absolut richteg!
Mir sin eis also eenz, dass dat "neit" Verkéierskonzept mat eisem Eisebunnsnetz muss kompatibel sin (An dofir si mir och all zum Schluss komm dass mir eng Schinneléisung brauchen, déi et erméiglecht iergendwou am CFL-Reseau fortzefueren a bis an d'Stad era bruecht ze gin.)
Ech mengen dass weder e Buss-Bunn nach e Karlsruher Modell fir Letzebuerg grondsätzlech falsch as, mir sin eben einfach op 2 verschidde Léisungsusätz komm.

Awer dass de Modul K aus dem Mobilitéit.lu esou wéi e geplangt as vill Sue kascht a wéineg brengt, do si mir eis mengen ech och all eenz!

Dir (Tram a.s.b.l.) gesidd eben doranner d'(berechtegt)Hoffnung dass den Train-Tram spéider duerch déi ganz Stad erweidert get (wat awer nach eng Kéier laang dauere kann a Sue kascht), mir (oder ech) gesin doran e Schrett an déi falsch Richtung, well en eis zwengt, um halwen CFL-Reseau mat Train-Trammen ze fueren woubäi et mat engem RER oder BB méiglech wier, d'Transportkapazitéit vun der Bunn an och déi normal Zich (evl. esouguer den TGV) an der Stad bäizebehaalen.
Dann hätte mer e System aus engem Goss.

Mir sin eis also eenz dass mir eis oneenz sin!
Ech menge méi kenne mir an enger Diskussioun op deser Plattform (Guestbook) tatsächlech net ereechen.


Admin: delete entry C. Oswald oswaldcl [ät] pt [PUNKT] lu  06/12/04   12:09:53 Date
Message Ech wëll eppes Grondsätzleches soen, wat vläicht muss geklärt ginn.

Dëst "guestbook" huet wéi all aner "guestbook" ee grousse Nodeel, nämlech dass et keng neutral Plattform ass, wou déi ënnerschittlech Meenunge gleichberechtegt zum Ausdrock kommen.

Et ass kloer, dass dëst "guestbook" dem RER.lu gehéiert, an dass Dir versicht, eventuell Kritiken ofzeschwächen. Dat ass legitim, an domat kann ech liewen.

Dofir géif ech och net soen, dass mer laanschtenee schwätzen, wa mer eis net verstinn. Et ass richteg a falsch, wann ee schreift: Mer brauche weder en Train-Tram, nach eng Tunnelléisung, well et ass de verkéierte Wee, wann ee sech fir d'éischt de Moyen gëtt ouni ze définéieren, wat eigentlech d'Ziil ass. Et baut jo keng Regierung en Train-Tram oder en Tunnel vu Langweil, oder well se grad neischt Besseres ze dinn huet!

D'Tram asbl ass am Fong entstan als Reaktioun op verschidde Metro- oder "Minimetro"-Projeten. Do ware Leit déi sech gesot hunn, dass ee mat deem Geld wat esou eng (soi-disant) futuristesch Léisung kascht, eppes ganz anescht maache kënnt, wat vill méi efficace wier a net op eng isoléiert Streck tëschent zwee Parkinge beschränkt ass. De "Minimetro" war en horizontale Lift a wier vum Konzept hir souwisou e Friemkierper bliwwen, dee weder mat engem Tram, nach mat der klassescher Eisebunn kompatibel war.

Ech mengen (an ech hoffen), dass mer eis an deem Punkt esouweit eens sinn, dass dëse "Minimetro" haut keen Thema méi ass!

D'Tram asbl ass och vun Ufank un éischter pragmatesch virgaang an huet eng Partie Transportmëttel ënnersicht. Et kann ee soen, dass mer bei eisen Excursioune praktesch alles ënnert d'Lupp geholl hunn, vum Tram iwwert de Metro bis bei d'S-Bunn, ouni de Bus an den Trolleybus ze vergiessen. Mer hate wuel e "préjugé favorable" fir den Tram, mee mer hunn eis ëmmer nees kritesch Froe gestallt, bis mer schliisslech zur Iwwerzeegung koumen, dass de "Karlsruher Modell" eng Méiglechkeet fir Lëtzebuerg wier – quitte dass een enger gewësser Automobil-Lobby e bësschen op d'Zéiwen trëppele misst. Ech war selwer zegmol zu Karlsruhe, an duerno zu Saarbrécken.

Et kann een ons jiddefalls net virwerfen, mir wieren Dogmatiker, oder mir géife nëmmen den Tram gesinn. Et huet eis déck gedoen, wéi de Projet BTB um Dësch luch a vu Leit, déi vu kenger Sachkenntnis getrübt waren, zerried gouf. Mee mer fillen eis awer a gudder Gesellschaft mat denen, déi fir den Train-Tram antrieden – hei zu Lëtzebuerg an am Ausland.

Vläicht sollt een déi verschidde "guestbook'en" vun denen eenzelne Vereiner ganz einfach als dat gesinn, wat se sinn, nämlech eng Plattform wou Leit hir Sympathien ausdrécken. Déi eigentlech Diskussioun gehéiert ménger Meenung no op eng aner Plaaz.


P.S. – Ech wëll awer nach eppes konkret zum "Stadzentrum" soen. Do ass jo neierdings eng Polemik rondrem d'Fro, wou den Zentrum eigentlech ufänkt, a wou en ophält. Déi eng mengen domat d'Uewerstad, déi aner de "Stadkär", an da sinn der nees, déi d'Nei Avenue mat aschléissen. Jiddefalls ass den Train-Tram am "Uewerstadzentrumkär" fir si en absoluten Tabu – obschonn ee vun Tabue grondsätzlech hale kann, wat ee wëllt.

Da wëll ech nach eppes anescht soen: Ech wier virsichteg, wann eenzel Politiker op eemol fir de "BB"-Tunnel sinn, déi nach virun e puer Joer fonnt hunn, de BTB géif ze deier ginn, an déi aus deem Grond geschriwwen hunn, et kënnt een dat Ganzt vill méi bëlleg a praktesch mat Gelenkbusse maachen.

Ech géif mech net zevill op déi do Zort Politiker verloossen, well déi dréine sech wéi de Wand, sou wéi et fir si opportun ass!


Admin: delete entry Pol  06/12/04   09:00:27 Date
Message Schwaacht Glidd dowéinst well et eng kuerz Verbindung teschent 2 Eisebunnsstrecken (mat méi grousser Kapazitéit) as.
Ech soen net dass déi aner alleguer blöd wieren déi en Train-Tram asetzen, mee et as jo awer esou, dass (z.b. zu Karlsruhe) e relativ grousst Trammsnetz mat ville Strecken déi duerch déi ganz Stad gin existéiert (an och fonktionnéiert). An dat as bei eis jo awer bis elo nach iwwerhaapt net virgesin.

Wéi ech déi Saach gesin as d'Ziel vum RER Letzebuerg op kee Fall dat fir sech géint en Tram zu Letzebuerg ze wieren! Et geet drem vir d'Stad (Kierchbierg a virun allem och de Stadzentrum) esou un den Eisebunnsreseau unzebannen, dass mir op der Schinn net déi selwecht Fläschenhäls virun der Stad kréien wéi op der Strooss. E staarkt Reckgrad eben!

Wou mir grad beim Thema sin: Liest emol d'Kapitel 11 vun der aktueller BB-Brochure. Dir wäert gesin, dass esouguer de Georges Schummer net total dergéint as, en Tram ze bauen.
Ech mengen dat (BB-Kap.11) wier dach evl. eng Méiglechkeet, wou mir all zesummen un engem Strang kéinten zéien! Dann hätte mer en RER AN en Tram zu Letzebuerg!
Dir hudd Recht: Mir erreeche vill méi (a vill méi séier) wa mer eis net géigesäiteg bekämpfen. Mee et muss een sech awer wieren, wann Decisioune geholl gin déi an déi onlogesch sin (Modul K: 2km Tramstreck teschent 250km Zuchschinnen, keng Ubannung vum Zentrum). Dat as de Grond virwat RER Letzebuerg gegrennt gin as, resp. virwat de Georges Schummer de Busbunn iwwerhaapt entweckelt huet (steet mengen ech am Virwuert vun der BB-Brochure).


Admin: delete entry C. Oswald oswaldcl [ät] pt [PUNKT] lu  05/12/04   23:20:02 Date
Message Här "pol"!

Vu que dass mir alle béid "partis pris" sinn, si mir alle béid schlecht gestallt, mengen ech, fir ze jugéieren, we vun eis "sachlech" argumentéiert, a wen aus der Roll fällt.

Fir de Rescht musst Der d'Regierung froen, firwat si un deem (soi-disant) schwaache Glitt festhält. Ech si grad amgaang de "Stadtverkehr" ze liesen, an ech froe mech, ob aner Stied (a Regierungen) am Ausland blöd sinn, wa si permanent "schwaach" Glidder bauen.

Dir sollt wëssen, dass d'Tram asbl 1991 gegrënd gouf, an dass mir eis vill mat der Matière beschäftegt hunn an och etlech Réseauen an d'Ausland kucke waren, respektiv op der Plaaz mat de Verantwortleche geschwat hunn.

Nodeem dass de initiale BTB-Projet mat zum Deel topegen a béisartegen Argumenter zerried gouf, hu mer elo nees e Projet um Dësch leien, an ech géif et wierklech schued fannen, wann den "objet social" vum RER.lu sech doranner resüméiere géif, dass hien dëse Projet boykottéiert.

Solle mer dann éiweg zu Lëtzebuerg streiden, ouni dass eppes dobäi erauskënnt?


P.S. - Ech géif et gutt fannen, wann Dir Iech ze erkenne géift, mat Ärem voll Numm.


Admin: delete entry Pol  05/12/04   18:21:14 Date
Message Ech mengen mir schwetzen hei ganz einfach laanschteneen:
D Fro as net, ob mir en Tunnel brauchen oder net, mee d'Fro as déi op mer en Train-Tram brauchen oder net!

En Train-Tram as jo u sech keng schlecht Saach, mee beim aktuelle Projet wou déi eigentlech Tramsstreck just 2-3 km huet rentéiert et sech ganz einfach net, dat Material mat all senge Vir-an Nodeeler unzeschaafen. Et as dat vill zitéiert Bild vun engem schwaache Glidd an enger staarker Ketten!
A wa mer de Modul K (Kierchbierger Train-Tram) elo just bauen an der Hoffnung, spéider emol de BTB méi einfach duerchgesat ze kréien (also d Ubannung vum Stadzentrum) muss awer och fir d'éischt emol driwwer geschwat gin, dass am BTB stung dass wéinst de Kräizunge mam Autosverkéier just all 4. Zuch (oder Train-Tram) op der Nord-Süd-Streck duerch d Stad fuere kéint, de Räscht giff wéi bis elo iwwert déi al Streck op d'Gare fueren wou een da misst op de Bus oder Tram emklammen.

Genau dat heiten as déi sachlech Diskussioun, déi mir eis all wenschen. Schued just dass verschidde Leit dobäi emmer perséinlech musse gin an privat Beleidegungen an d'Welt setzen.


Admin: delete entry C. Oswald oswaldcl [ät] pt [PUNKT] lu  05/12/04   12:13:58 Date
Message Ech wëll Iech en Tuyau ginn - mee Dir maacht domat, wat Dir wëllt!

Ech fänken un mat engem Zitat vum Här Schummer: "Domat halen ech déi Diskussioun fir ofgeschloss. Maache mir léiwer Plaz fir déi, di eppes zum Thema ze soen hunn!"

Wéi ech dat gelies hunn, hunn ech mer virgestallt, dass ech mat engem Diktator ze dinn hätt, dee ganz einfach alles zenséiert, wat him net an de Krom passt.

Ech zitéieren dofir den Här Schummer eng zweete Kéier: "Eng stéchhalteg Äntwert op meng Fro huet awer bis haut nach kee ginn."

Et geet hei wuel gemierkt em d'Saach, mee et geet och em de Stil. Ech weess net, ob aner, kompetent Leit versicht hunn dem Här Schummer eng Äntwert op séng Fro ze ginn, oder ob hien déi Äntwert eventuell net matkritt huet, well se net dat war, wat hie sech erward huet.

Ech hunn éierlech gesot e Malaise mam Här Schummer, a vläicht geet et ville Leit d'selwecht. Wann ech esou séng zweet Bemierkung liesen, da kléngt dat, wéi wann hien déi iewescht Instanz an Transportfroe wier, a wéi wann déi aner Leit sech bei him rechtfäerdege missten.

Or, dat schéint mer e bësschen d'Realitéit verkannt ze sinn! Den Här Schummer ass net de Premierminister (deen ass effektiv gewielt a muss sech virum Vollék rechtfäerdegen), an hien ass och net de Bëschof vu Lëtzebuerg.

Dat Ganzt schéint mer op engem ongléckleche Mëssverständnis ze berouen, an den Här Schummer schéint sech an eng Richtung ze verrennen, déi him selwer an och dem ganze Land neischt bréngt.

Ech wëll hei guer net séng Kompetenzen als Tunnelbauingenieur a Fro stellen, mee ech wëll soen, dass et net nëmmen drop ukënnt, dass mer en Tunnel bauen. Et gëtt och nach aner, verkéierspolitesch, wirtschaftlech a mënschlech Iwwerleungen, déi do matspillen.

Et kënnt op déi richteg Approche un - oder fir et mat engem Beispill auszedrécken: Wa méng fachlech Kompetenz doranner besteet, dass ech Seelebunne baue kann, heescht dat net, dass ech d'ganzt Land mat Seelebunne beglécke muss!

Et kann awer punktuell bedäiten, dass méng Fachkompetenz gebraucht gëtt, wann aner Leit mat hire jeweilege Kompetenzen zum Schluss kommen, dass eng Seelebunn op dëser oder där Plaaz néideg ass.

Sou hat ech am Ufank (viru Joere) gemengt, et kënnt een duerchaus den Train-Tram realiséieren a punktuell do, wou et néideg wier, e kuerzen Tunnel virgesinn, sief et fir d'Autoen oder fir den Train-Tram, falls doduerch den Train-Tram besser virukéim.

Ech hat mer am Fong virgestallt, et kënnt een den Här Schummer an déi ganz Planung rondrem de BTB matabannen. Mee mat séngem Usprooch, d'Wourecht ganz alleng fir sech gepacht ze hunn, war dat schwéier méiglech.

Ech géif mer wënschen, dass déi entgleisten Diskussioun iergendwann nees op déi richteg Schinne kënnt, an dass mer zesummeschaffen, amplaaz géinteneen. Vergiesse mer net, den ursprüngleche Projet huet "BTB 2002" geheescht, an et war virgesinn, dass mer am Joer 2002 duerch d'Stad fuere géifen. Mer hu schonn e puer Joer Verspéidung …


Admin: delete entry Pol  03/12/04   16:13:36 Date
Message Also ech interpretéieren dat mam Ascenceur moderne esou dass en nom Stand vun der Technik gebaut get (also wat hautzudags méiglech as), am Géigesatz zu ville Lifter déi soss doremmer a Betrieb sin (z.b. helleg-Geescht-Plateau). Dass d Berechnunge stemmen huet den Här Schummer sech jo och vun engem Liftbedreiwer bestätege geloos.
A 6,25 Leit pro qm as jo och keng Norm vum Här Schummer, mee et as déi, déi fir esou Berechnunge Standard as. Et kann ee jo och do wou et gebraucht get méi oder méi grouss Lifter bauen! Mee dat as dann eppes wat ee bei de konkrete Planungen decidéiere kann, dofir brauch ee mengen ech net déi ganz Berechnungsgrondlagen an Normen vun der Liftindustrie op d Kopp ze geheien. Mee mir si jo net Paräis oder Moskow.
Mir perséinlech kennt et virun Allem drop un dass mir eis Verkéiersproblemer moies vir an d Stad eran an owes fir eraus geléist kréien! Mir mussen eisen öffentlechen Transport op de Verkéier zu Spetzestonnen upassen, an net op d Passagéierzuelen moies um 11 Auer :) An dofir ennerstetzen ech den RER Letzebuerg!

D'Eisebunnszich déi d'Leit zu dese Stonnen an d'Stad brengen si jo och haut scho voll (dofir get et jo déi nei 2-Stäckeg Zich). An zu méi rouege Stonnen kenne jo och méi kleng Garnituren agesat gin.

Ech fannen och, dass d Parteien sech emol alleguer äussere sollen, awer fir elo ze soen déi läscht Wahlresultater wieren (wéi dir et fir den ADR undeit) duerch den öffentlechen Transport entscheed gin bezweifelen ech ganz staark. Den öffentlechen Transport war nämlech des Kéier keent vun den Haaptthemen (Am Géigesaatz zu de Wahle vun 1999)


Admin: delete entry C. Oswald oswaldcl [ät] pt [PUNKT] lu  03/12/04   12:09:47 Date
Message Ech wëll op dëser Plaaz – sou wéi den Här Schummer dat vu sénge Géigner verlaangt – eng sachlech Kritik ubréngen.

Ech liesen op Ärem Site: "Des ascenseurs modernes amènent les voyageurs en moins de 15 secondes directement sur le quai et permettent de même de remonter au niveau trottoir ou quai d’autobus."

Dat ass, wann Der erlaabt, à ce stade de la pure théorie!

Eischtens froen ech mech, wat en ascenseur "moderne" ass; respektiv firwat Dir dat Wuert extra bäifügt?

Zweetens gleewen ech ganz gär, dass Äre (geplangte) Lift a 15 oder 20 Sekunden biergop fiert ... mee dat ass awer net déi ganz Wourecht.

Et muss een och déi Zeit mat arechnen, wou d'Leit an de Lift eraklammen, wou se sech drécken a stoussen a wou déi déi schonn am Lift stinn, fannen, dass déi aner kënnen dobausse bleiwen. Dat gëtt dann e Gefréckels mat Hin an Hir, an do verginn d'Sekunde ganz séier!

Ausserdeem hunn ech ganz staark Zweifelen, dass dem Här Schummer séng "Norm" vu 6,25 Leit op de Quadratmeter opgeet. D'Leit wëllen éischtens net gepresst wéi d'Hierken an der Tonn mam Lift fueren, mee si hätte gär e Minimum u kierperlecher Distanz. Zweetens sinn och Leit mat Pochen oder Schoulsäck.

Ech soe fräi a frank, dass ech dogéint sinn, dass een esou mat de Leit emspréngt. Ech maachen och do keen Ënnerscheed tëschent engem iwwerfëllte Lift an engem iwwerfëllten Zuch/Tram/Bus. Ech hunn eppes géint "Normen", déi net mënschlech sinn!

Da wëll ech eppes anescht soen, wat mer immens wichteg schéint: Wann ech zu Paräis oder zu Moskau mam Metro fueren, brauch ech ni laang ze warden. Et kënnt all 90 Sekunden eng Rame an der Gréisstenuerdnung wéi en Zuch, an et sinn Dosende vu Leit déi op all Statioun eran- an erausklammen.

Zu Lëtzebuerg ass dat anescht, och wann eenzel Leit dëst vläicht bedaueren. Ausserhalb de Spëtzestonnen ass bei eis – och an der Stad Lëtzebuerg – zum gréissten Deel "tote Hose". Ech ka mer net virstellen, dass et sech dee Moment rechent, all 10 Minutten eng RER-Rame fueren ze loossen. Ëmgedréint ass et bestëmmt awer och net attraktiv, wann een 30 Minutte warde muss, sou wéi beim "Metro" zu Charleroi.

Dee Moment ass dat nämlech net nëmme relativ blöd, mee bal schonn onheemlech – an da sinn ech iwwerzeegt, dass d'Leit vill léiwer mam Bus fueren. Dat gëlt op d'mannst fir déi Stater Leit, déi bis elo mat hirem Bussystem net schlecht zervéiert waren, an déi och an Zukunft net op hire Bus verzichte wëllen. Or, sinn dat Clienten, déi Ärem "RER" feelen, fir dass e sech rondrem d'Auer rechent.

Mer sinn ebe keng Milliounestad wéi Paräis oder Moskau, an et huet och kee Wäert, dass mer eis dowéinst op de Kapp stellen. Aus deem Grond sinn ech perséinlech der Meenung, dass en Train-Tram eiser Situatioun besser ugepasst ass.

Ech géif proposéieren, fir alle Spekulatiounen en Enn ze setzen, dass déi politesch Parteie klipp a kloer soen, fir wat fir e System si antrieden, an dass d'Wieler dee Moment demokratesch décidéieren, ob si mam Zuch, mam Bus, mam Train-Tram oder duerch den Tunnel fuere wëllen.


Admin: delete entry C. Oswald oswaldcl [ät] pt [PUNKT] lu  03/12/04   11:45:07 Date
Message Sou einfach, wéi Dir Iech et mat, ass et net, Här Schummer!

Dir sitt deen, dee (soi-disant) alles besser weess a (soi-disant) ëmmer Recht huet. Déi aner sinn an Ären Aen Daboen.

Dir verdrot keng Kritik an dréint da séier de Spiiss em, fir ze behaapten, déi aner géife sech net seriös mat Ärem "BB" beschäftegen, oder se hätten e negative Préjugé. Et steet awer mengens Wëssens net an der Lëtzebuerger Verfassung, dass jidderee mat Iech d'accord muss sinn.

Firwat setzt Der Iech net beim ADR op a gitt de Leit d'Méiglechkeet, an demokratesche Walen doriwwer ze décidéieren, ob se de "BB" definitiv wëllen oder net? Dat géif ménger Meenung no sämtleche Spekulatiounen en Enn setzen!


Admin: delete entry georges schummer georgesschummer [ät] busbunn [PUNKT] net busbunn.net  03/12/04   09:16:58 Date
Message Wann een eppes héiert, wat effectiv net gesot ginn ass (och dofir gëtt et Zeien), kéint dat Wonschdenke gewiescht sinn.
Domat halen ech déi Diskussioun fir ofgeschloss. Maache mir léiwer Plaz fir déi, di eppes zum Thema ze soen hunn!


Admin: delete entry C Oswald oswaldcl [ät] pt [PUNKT] lu  01/12/04   16:37:40 Date
Message Fro un den Här Schummer: Wisou huet deen Här um Riednerdësch, a wisou hunn aner Leit am Sall dem Här Schummer séng Bemierkung anescht verstan, wéi dat vu sénger Seit aus geduecht war?

Et ass just eng Fro, vu que dass an dësem Dossier vill a leidenschaftlech, a leider och net ëmmer fair gestridde gëtt.

Wou ass do déi wierklech Ursaach?

Ech kann an ech wëll jiddefalls op dëser Plaaz betounen, dass d'Tram asbl sech ni beräichert huet. Mer haten zwar (noutwendegerweis) vill Kontakter mat Tramsconstructeuren, mee et huet kee Member vun der Tram asbl doraus e finanzielle Virdeel gezunn. Mer hunn am Géigendeel eis Fräizeit investéiert a vill onbezuelte Stonne geleescht.

Wen eppes anesch behaapt, oder och nëmmen undäit ouni duerno eppes wëlle gesot ze hunn, ass en Diffamateur, an do wäerd ech mech ze wiere wëssen.


Admin: delete entry georges schummer georgesschummer [ät] busbunn [PUNKT] net www.busbunn.net  01/12/04   12:07:31 Date
Message Richtegstellung zur Behaptung vum Här Oswald:

Wie richteg nogelauschtert huet, huet et héiren: An der ugesprachener Table-Ronde vun der USILL iwwer de "Modul K" hat ech gesot, déi di en Interressen drun hunn,onbedéngt en Train-Tram ze bauen, sollten dach emol soen, watfir e Sënn et mecht, nëmmen op e puer km en Train-Tram an e vollwertegt Eisebunnsnetz anzebauen, deen dat ganzt Eisebunnsnetz schwächt. Dorophinn huet en Här um Riednerdësch, deen déi Remarque ongerechtfertegterweis op sech bezunn hat, gesot, hie perséinlech wir "nach ni bestach ginn". Dat hat jo och kee behaapt !

Eng stéchhalteg Äntwert op meng Fro huet awer bis haut nach kee ginn.


Admin: delete entry Ernest Wagner ernest [PUNKT] wagner [ät] ci [PUNKT] educ [PUNKT] lu  01/12/04   10:44:17 Date
Message Här Oswald,

Op Äre Beitrag vum 30.11.04 wëll ech keng Polemik ufänken. Mä ech wëll kloerstellen, dass den RER.lu keng Propagandatrupp fir de Projet Bus-Bunn vum Georges Schummer ass. An deem Sënn passt Äre Beitrag besser op de Site www.busbunn.net.

RER Luxembourg a.s.b.l. ass eng Associatioun vu Leit, déi sech e wéineg an den Nopeschlänner ëmgekuckt hunn. Dobäi wollten se gesinn, watfir Léisungen do am ëffentleche Verkéier am Entstoe sinn.

Ënnert "Quelle solution ont adoptée nos voisins?" op dësem Site, fannt Dir Referenzen, déi et wäert sinn, gelies ze ginn. Net alles ass doran nëmme positiv fir eng Léisung Réseau Express Régional a fir d'Zesummespill mat deenen anere Verkéiersträger. Et soll jo eng objektiv Dokumentatioun sinn, fir dass jidderee sech selwer en Uerteel maache kann.

Dat meescht awer weist, dass d'Entwécklung a Richtung RER geet.

Firwat RER.lu de Projet Bus-Bunn als Referenz hëlt: Et schéint eis bis elo déi eenzeg konkret Propositioun ze sinn, déi d'Problemer hei am Land an och an der Groussregioun léise kann. Dobäi ass et eng Lésung, déi och nach an engem Véirelsjoerhonnert valabel ass.

Détailer zu eisen Iwwerleeunge hoffe mer, op dësem Site ausernee gedoen ze hunn.

Interessant wier et, wa mer eis zesummesetze kënnten, fir a Rouh de Problem duerchzeschwetzen. Mer wëlle jo net a priori eng bestëmmt Léisung duerchdrécken. Dir a mir si jo drun interesséiert, déi bescht Léisung vun de Problemer ze fannen, och fir d'Zukunft.

Ernest Wagner


Admin: delete entry C. Oswald oswaldcl [ät] pt [PUNKT] lu  30/11/04   17:17:58 Date
Message Ech wollt mäi Pefferkäerche bäileen, wann et erlaabt ass.

Also: De Georges Schummer huet bis elo (nach) neischt bewisen, en huet just eppes behaapt. Nämlech dass säi System besser ass wéi all déi aner. Sou ähnlech schwätzt all Vendeur, deen e bestëmmte Produit verkaafe wëllt.

Ech soen awer elo net, de Georges Schummer wier vun enger Tunnelbaufirma bestach, sou wéi hien dat vun dene Leit behaapt huet, déi fir den Tram sinn (et gëtt Zeien déi dobäi waren!).

Zweetens: Et ginn ëmmer nach Argumenter fir de "BB" ugefouert, déi keng sinn. "Mir brauche Wuestum fir eise Sozialsystem ze finanzéieren", liesen ech do. Mär kommen d'Tréinen!

Ouni de "BB" gëtt déi onvermeidbar Privatiséierung vun den CFL eng Katastroph fir d'CFL a fir d'Eisebunner. Soll ech kreischen oder laachen?

Wa Bréissel décidéiert dass d'Eisebunn liberaliséiert gëtt, dann huet dat neischt mat engem Tunnel ze dinn.

Oder wat soll ech mat engem "Argument" ufänken, wéi, de gesonde Mënscheverstand misst fir de "BB" sinn, an all déijeneg Politiker déi mat dëser Ausso net d'accord sinn, wiere bornéiert?

Ass dat déi sachlech Diskussioun, déi de Georges Schummer ëmmer nees fuerdert?

Mech kann dat do jiddefalls net iwwerzeegen. Ech hoffen awer, dass déi Leit déi wierklech un enger seriöser Diskussioun interesséiert sinn, sech enges Dages an der sougenannter Goldener Mëtt begéinen.


Admin: delete entry Guy Schaeffer  30/11/04   14:43:14 Date
Message „mobilitéit.lu“ an de Projet Bus-Bunn

De „mobilitéit.lu“ bedeit rieseg Investitiounen an d’Verbesserung vum öffentlechen Transport.
E vun de wichtegsten Aspekter ass d’Verbesserung vum öffentlechen Transport an eiser Haaptstadt.
Am „mobilitéit.lu“ ass eng Train-Tram Léisung virgesinn.
De Georges Schummer huet gewisen, dat dest Konzept keng wierklech Léisung brénge kann. Hien huet eng Alternative „Bus-Bunn“ ausgeschafft déi liicht an de „mobilitéit.lu“ intégréiert gi kann. Des Léisung ass vill besser wéi d’Train-Tram Léisung a kascht wahrscheinlech nët méi deier.
Leider hun d’Regierung an d’Parlament d’Bus-Bunn Konzept praktesch ignoréiert an décidéiert d’Train-Tram Léisung ze bauen.

D’Oflehnung vum Konzept Bus-Bunn baséiert enner anerem op der Etude vum Büro Basler déi am September 2003 veröffentlecht gouf. Hei gët behaapt, de Bus-Bunn kéint nët funktionéieren.
Eng Etude, déi de Georges Schummer am November 2003 veröffentlecht huet, beweist, dat de Konzept Bus-Bunn machbar ass.

D’Oflehnung baséiert och op dem anscheinend immense Käschtepunkt vun dem Bus-Bunn.
Hei gin déi rieseg potentiell Aspuerungen, déi de BB Konzept am "mobilitéi.lu" erméiglecht, einfach ignoréiert.
De Projet BB léisst sech relativ liicht an de „mobilitéit.lu“ integréiren.
E bedeit zousätzlech zu den 2,6 Milliarden Euro vu „mobilitéit.lu“, en Investissement vun zirka 210 Milliounen Euro.
Op der anerer Seit kënnen awer och immens Sommen doduerch gespuert gin :
 75 Milliounen, well d’Polfermillebrëck nët muss verduebelt gin
 ?? Milliounen, well mer keng deier Hybridzich kaafe mussen (40 Hybridzich kaschten zirka 150 Millionen €).
 ?? Milliounen, well d’Stadter Gare entlaascht gët, an doduerch en Deel vun den 300 Milliounen €, déi fir den Ausbau néideg wiren, agespuert kënne gin.
 ?? Milliounen, well d’Umsteige-Garen bei den Foires-Halen, zu Dummeldeng, ... nët sou grouss musse sin, well déi meescht Leit einfach weider an d’Stadt fueren ouni ëmzesteigen.
 ?? Milliounen well eng grouss Zuel vu Bustrajeen (e.a. Schülertransport) duerch déi nei Zuchlinnen iwerflesseg gin.
Leider huet de Büro Basler nët probéiert des Aspuerungen méi genee ze bestemmen.
Wann een de Projet BB richteg an de „mobilitéit.lu“ integréiert, kann dest de Gesamtkäschtepunkt vlaicht souguer reduzéiren. Op jidde Fall gët de Service um Client entscheedend verbessert.

D’Viirschléi an d’Argumentatioun vum Georges Schummer sin esou gudd, dat dest Konzept emmer erem op den Desch kennt an och wahrscheinlech fréier oder spéider réaliséiert gët.
Jiddereen ass d'Accord, dat et immens wichteg ass, den öffentlechen Transport méglechst séier a massiv ze verbesseren.
De „mobilitéit.lu“ bidd keng Léisung fir den Zentrum vun eiser Haaptstadt.
Hien baut op enger zentraler Platz (Verbindung mam Kiirchbierg a mam Findel, Verbindung vun Ost an Nordstreck) e schwacht Glidd an eisen Zuchréseau an.
Ouni effiziente Réseau wéi de vum Bus-Bunn Konzept, gët déi onvermeidbar Privatiséirung vun den CFL wahrscheinlech zu enger Katastroph fir d’CFL, hiert Personal a fir den Öffentlechen Transport an eisem Land.
Mir brauche Wuestum fir eise Sozialsystem ze finanzéiren. Dese Wuestum duerf eist Land awer nët an de Verkéierschaos féieren.
Mir kënnen eis et nët leeschten, op der enger Seit eng gudd Léisung mat alle Mëttel schlecht ze machen an op der anrer Seit honnerte Milliounen Euro an eng „Léisung“ ze investéiren déi schon vum Konzept hier keng Chance huet eisen Öffentlechen Transport wierklech ze verbesseren.

Dem Georges Schummer sein Konzept a seng Argumentatioun sin op eng virbildlech Manéier um Internetsite http://www.busbunn.net dokumentéiert.

Guy Schaeffer


Admin: delete entry Patrick Birden  29/11/04   08:59:42 Date
Message Den positiven Empfang fum Projet bei den Leit um Mart den leschten Samschten war schons impressiounant.


Admin: delete entry Mehlen Robert rmehlen [ät] chd [PUNKT] lu  27/11/04   21:23:32 Date
Message De gesonne Mënscheverstand muss jiddferengem soen, datt dëst Konzept dat eenzegt ass, wat de Verkéiersproblem an a ronderem d'Staad léise kann. Loosse mer hoffen a schaffen, datt de Verstand leschten Enns iwer politesch Bornéiertheet meeschter gët.


[Säit virdrun] 1 2 3 4 [Säit duerno] 

Y-a-p-Gb