RER.lu Guestbook - Sot eis är Meenung Sign guestbook Reload Go back to the site

[Säit virdrun] 1 2 3 4 [Säit duerno] 

Admin: delete entry peter stumpfwerder http://www.busbunn.net  15/02/06   17:59:55 Date
Message Ich glaube, in Luxemburg mag man keine Schienen und keine Fahrdrähte. Ich habe gelesen von einer interessanten Alternative, dem "AutoTram". Es gibt ein Verein der sich Gedanken über die Zukunft des Landes macht, oder so ähnlich heißt.

Vielleicht sollte man dieses "AutoTram" als wirkliche Alternative zu "Train-Tram" und Tunnellösung betrachten.


Admin: delete entry HP Maier hpm [ät] pop [PUNKT] agri [PUNKT] ch  15/02/06   12:53:16 Date
Message Warum kein Trolleybus zur Feinverteilung der Passagiere auf dem Kirchberg? Schnell und umweltfreundlich...Siehe Verkehrsbetriebe Zürich (www.vbz.ch) -->Testbetrieb Der Doppelgelenk-Trolleybus auf Linie 31....und mit der CFL direkt von Metz im Dosto 1.Kl. zum Gare Kirchberg via Gasperich-Gare Centrale...vielleicht könnte man sogar noch Croissants und Zeitungen im Zug anbieten.. wie im "Gipfeliexpress" nach Zürich....das wäre doch eine komfortable, wirtschaftliche und oekologische Alternativlösung zum Hybridtram...
wäre das nicht eine Ueberlegung wert?
Die Beschleunigung des Elektrobusses mit 1,3m/s2 erscheint mir beachtlich...Lesen Sie selbst...
Links: http://www.protrolleybus.ch/ge...
www.tpg.ch (Genève) Lieferant: http://www.kiepe-elektrik.com/...

Grüsse aus der Schweiz..
übrigens: Die CFL-Doppelstockzüge gefallen mir sehr gut!!! einfach toll das Design...

Hans Peter Maier


Admin: delete entry Guy Schaeffer Guy [PUNKT] Schaeffer [ät] cie [PUNKT] etat [PUNKT] lu  07/10/05   13:21:32 Date
Message De „mobilitéit.lu“ bedeit rieseg Investitiounen an d’Verbesserung vum öffentlechen Transport.

E vun de wichtegsten Aspekter ass d’Verbesserung vum öffentlechen Transport an eiser Haaptstadt.

Am „mobilitéit.lu“ ass eng Train-Tram Léisung virgesinn.

De Georges Schummer huet gewisen, dat dest Konzept keng wierklech Léisung brénge kann. Hien huet eng Alternative „Bus-Bunn“ ausgeschafft déi liicht an de „mobilitéit.lu“ intégréiert gi kann. Des Léisung ass vill besser wéi d’Train-Tram Léisung a kascht wahrscheinlech nët méi deier.

Leider hun d’Regierung an d’Parlament d’Bus-Bunn Konzept praktesch ignoréiert an décidéiert d’Train-Tram Léisung ze bauen.
D’Oflehnung vum Konzept Bus-Bunn baséiert enner anerem op der Etude vum Büro Basler déi am September 2003 veröffentlecht gouf. Hei gët behaapt, de Bus-Bunn kéint nët funktionéieren.

Eng Etude, déi de Georges Schummer am November 2003 veröffentlecht huet, beweist, dat de Konzept Bus-Bunn machbar ass.
D’Oflehnung baséiert och op dem anscheinend immense Käschtepunkt vun dem Bus-Bunn.

Hei gin déi rieseg potentiell Aspuerungen, déi de BB Konzept am „mobilitéit.lu“ erméiglecht, einfach ignoréiert.

De Projet BB léisst sech relativ liicht an de „mobilitéit.lu“ integréiren.

E bedeit zousätzlech zu den 2,6 Milliarden Euro vu „mobilitéit.lu“, en Investissement vun zirka 210 Milliounen Euro.

Op der anerer Seit kënnen awer och immens Sommen doduerch gespuert gin :

  • 75 Milliounen, well d’Polfermillebrëck nët muss verduebelt gin

  • ?? Milliounen, well mer keng deier Hybridzich kaafe mussen (40 Hybridzich kaschten zirka 150 Millionen €).

  • ?? Milliounen, well d’Stadter Gare entlaascht gët, an doduerch en Deel vun den 300 Milliounen €, déi fir den Ausbau néideg wiren, agespuert kënne gin.

  • ?? Milliounen, well d’Umsteige-Garen bei den Foires-Halen, zu Dummeldeng, ... nët sou grouss musse sin, well déi meescht Leit einfach weider an d’Stadt fueren ouni ëmzesteigen.

  • ?? Milliounen well eng grouss Zuel vu Bustrajeen (e.a. Schülertransport) duerch déi nei Zuchlinnen iwerflesseg gin.


Leider huet de Büro Basler nët probéiert des Aspuerungen méi genee ze bestemmen.

Wann een de Projet BB richteg an de „mobilitéit.lu“ integréiert, kann dest de Gesamtkäschtepunkt vlaicht souguer reduzéiren. Op jidde Fall gët de Service um Client entscheedend verbessert.
D’Viirschléi an d’Argumentatioun vum Georges Schummer sin esou gudd, dat dest Konzept emmer erem op den Desch kennt an och wahrscheinlech fréier oder spéider réaliséiert gët.

Jiddereen ass d'Accord, dat et immens wichteg ass, den öffentlechen Transport méiglechst séier a massiv ze verbesseren.

De „mobilitéit.lu“ bidd keng Léisung fir den Zentrum vun eiser Haaptstadt.

Hien baut op enger zentraler Platz (Verbindung mam Kiirchbierg a mam Findel, Verbindung vun Ost an Nordstreck) e schwacht Glidd an eisen Zuchréseau an.

Ouni effiziente Réseau wéi de vum Bus-Bunn Konzept, gët déi onvermeidbar Privatiséirung vun den CFL wahrscheinlech zu enger Katastroph fir d’CFL, hiert Personal a fir den Öffentlechen Transport an eisem Land.

Mir brauche Wuestum fir eise Sozialsystem ze finanzéiren. Dese Wuestum duerf eist Land awer nët an de Verkéierschaos féieren.

Mir kënnen eis et nët leeschten, op der enger Seit eng gudd Léisung mat alle Mëttel schlecht ze machen an op der anrer Seit honnerte Milliounen Euro an eng „Léisung“ ze investéiren déi schon vum Konzept hier keng Chance huet eisen Öffentlechen Transport wierklech ze verbesseren.
Dem Georges Schummer sein Konzept a seng Argumentatioun sin op eng virbildlech Manéier um Internetsite http://www.busbunn.net dokumentéiert.
Guy Schaeffer


Admin: delete entry Giulio santori [ät] pt [PUNKT] lu  29/07/05   22:33:45 Date
Message all Respekt fir äet Engagement - weider esou !


Admin: delete entry georges schummer georgesschummer [ät] busbunn [PUNKT] net http://www.busbunn.net  29/07/05   14:03:12 Date
Message Här Sinner,

Är Virléift fir den Tram an Eiren, mee dat hei sinn d'Tatsaachen :

1. All Tramsprojet’en kënnen zu Lëtzebuerg bäschtefalls eng Verdeelerfunktioun assuréiren, amplaz vun de Bussen, kengesfalls awer als Ersatz vu vill méi performanten Eisebunnslinnen.

2. En Eisebunnstunnel ass net „immens deier“, en ass just ugemiess fir ze hëllefen, all Dag méi wi 100000 Beruffspendler an d´Haaptstaadt ze bréngen. Par Rapport zum Train-Tram Dummeldeng – Kierchbierg - Findel – Iergaard ass en esouguer ganz bëlleg, wéi eng rezent Etude festgestallt huet. Fir ca. 60 % méi kritt een déi selwecht Streck als vollwerteg Eisebunn mat eenheetlechem Betriebssystem, amplaz vun engem Train-Tram mat engem op e fënneftel begrenztener Transportkapazitéit, an zousätzlech och nach en Eisebunnstunnel Gare Centrale Lëtzebuerg – Stadzentrum – Lamperbierg mat Uschloss un d’Nordstreck virun Dummeldeng. Domat ass eng efficace Verbindung vum Land an der Regioun zur Haaptstad Lëtzebuerg sëcher gestallt.

3. Esou en Tunnel ass och net „ganz schwéier ze bauen“, zemol well en iwwer dem Grondwaaasserhorizont, an (am Géigesaatz vun den Autobunnstunnelen vun der Nordstrooss) integral am standfeste Fiels (lëtzebuerger Sandsteen) läit.

4. Esouguer den Train-Trams-Projet huet eng Gare « Schoettermarial » op ca. 30 m Déift. Mat de virgesinnen Rulltrapen bräicht een heizou ca. 3 Minutten fir erop oder erof. Duergéint kommen d’Liften vum Bus-Bunn Projet mat max. 15 Sekonnen aus, direkt vun der Strooss bis op de Quai.

5. D´Sëcherheetskonzept iwwertrëfft all internationale Standard. Dozou zielen ausser enger grousser Transportkapazitéit vun de Liften och de Compartimentage, deen an alle Beräicher sëcher Stauräim virgesäit. D’Evaquatiounszäit bedréit a Gebäier oder anere Siten (Stadien, Konzertsäll, Rockhalen etc.) 5 bis 10 Minutten.

georges schummer, Auteur vum Projet BB (Bus-Bunn)


Admin: delete entry Sinner Marc marc [PUNKT] sinner [ät] alice [PUNKT] lu  28/07/05   11:54:17 Date
Message D'Grondidee vum Projet BB ass gudd an am Ausland fonktionnéiert et jo och. Mee Lëtzebuerg ass eben net matt all Stad ze vergleichen.

Esou en Tunnel vun der Gare bis op Dommeldange an op de Kirchbierg matt zwou Brecken iwert den Uelzechtdall ass immens déier a ganz schwéier ze bauen.

En plus leien d'Garen immens déif, waat Liften a Rolltraapen afuedert. Wéi schnell ass et méiglech esou eng Statioun ze evakuéiren van Lift a Rolltaapen net ginn. Op alle Falle net an 1 Minut!!!

Ech sinn d'accord datt desse Projet eng grouss Kapazitéit brengt, mee en ass schrecklech deier.

Dofir sinn ech fir en Tram uerch de Stadzentrum iwert d'Roud Breck op de Kirchbierg. Deen Tram soll en Takt hu vun 3 Minuten an op der Gare kennen nach Linnen op de Geeseknäppchen an op d'Cloche d'Or weidergoen. Zousätzlech sollen um Rand vun der Stad sougenannte "Gares périphériques" gebaut fir déi Leit déi net mussen an de Stadzentrum erafueren an duerno nees eraus.

Sou soll awer och de Bus ng wichteg Roll iwerhuelen matt optimale Correspondenzen an Express-Linnen. Sou wiren déi ronn 300.000 Pendler méi verdeelt an geng keng Konzentratioun op d'Gare centrale zoukommen.


Admin: delete entry E. Wagner  22/07/05   09:33:06 Date
Message Nicht der einzig gangbare Weg


Stellungnahme der RER Luxembourg a.s.b.l. zu

Wort im Gespräch mit Georges Molitor,
dem neuen Direktor der Ponts et Chaussées :
Aufs Gaspedal drücken, 11.06.05



Die Aussage, dass der Mobilität im IVL (Integratives Verkehrs- und Landesentwicklungs-konzept) eine zentrale Bedeutung zukommt, möchten auch wir hervorstreichen.

Dass Straßen- und Schienennetz optimiert werden müssen und dazu die Verkehrsnetze definiert, reserviert und realisiert werden sollen, dass die Erschließung von Bauland sich nach der Transportinfrastruktur richtet, nicht umgekehrt, sind Aussagen, die sehr positiv wirken.

Auch die konkreten Überlegungen, um den Individualverkehr aus den Ballungszentren herauszuhalten, bringen erfrischenden Wind in die Diskussion.

Was aber in diesem Interview befremdet, ist die sonderbare Argumentation zum Thema Train-Tram, den der neue Direktor der Verwaltung als das einzige sinnvolle Konzept ansieht: „Wer 80 Meter in die Tiefe muss, egal wie schnell das geht, um 200 Meter zu fahren, der geht gleich zu Fuß.“ Diese Bemerkung ist wohl eine Anspielung auf den alternativen Vorschlag „Bus-Bunn“ (Projekt Schummer) mit seinen Liften. Aber dort braucht man keine Tiefen von 80 m zu erreichen. Und, für 200 m horizontale Distanz nähme auch niemand die Tram.

Des weiteren : Dass ein Hybridsystem, wie das des Train-Tram, die einzig richtige Lösung für unser Land sei, stimmt nicht.

Die größte Herausforderung stellen die über 100 000 Berufspendler, die täglich in unsere Hauptstadt hinein und wieder hinaus wollen.

Es wäre sicher nicht damit getan, alle Eisenbahnlinien vor der Stadt zu bündeln und sie in einem gemeinsamen Straßenbahn-Strang durch die überlastete Stadt Luxemburg zu führen, wie bei BTB. Rein von der Transportkapazität her erreicht eine Train-Tram-Strecke höchstens 20% einer entsprechenden Eisenbahn-Tunnelstrecke, von der erzielbaren Durchschnittsgeschwindigkeit ganz zu schweigen. Noch unsinniger wäre es, die Straßenbahnstrecke um die Stadt herum zu führen, wie bei Modul K.

Im Ausland haben die Berufspendler immer mehr die Möglichkeit, mit RER (Réseau Express Régional) oder S-Bahn (Schnell-Bahn) schneller ans Ziel zu kommen. Aus einem Radius von 30 – 50 km kommen regionale Züge, fahren unter dem Ballungszentrum durch und dann in einer anderen Richtung weiter. Im Stadt- oder Gewerbezentrum, wo übrigens die Haltestellen näher liegen, steigt man, wenn nötig, auf andere Verkehrsmittel um. Hier einige Beispiele : Brüssel (+/- 300 000 Passagiere pro Tag), Stuttgart (+/- 200 000), Salzburg (+/- 150 000). Die METROLOR, Région Lorraine, erreicht schon jetzt unseren Hauptbahnhof. Mehr über diese Lösung ist unter www.rer.lu zu finden.

In unserem Land : Mit einer meist unterirdischen Zuglinie Hauptbahnhof – Dommeldange und einer Abzweigung nach Kirchberg wären Stadtzentrum, Limpertsberg und der Kirchberg von der klassischen Eisenbahn erschlossen. Von den Achsen Nord-Süd und Ost-West wären Aktivitätszonen und Schulzentren, wenn nicht direkt, dann doch bequem mit dem Bus zu erreichen. Berufspendler ließen wahrscheinlich den Wagen zu Hause, und die Busachsen durch die Hauptstadt wären entlastet.


Für RER Luxembourg a.s.b.l
Ernest Wagner, Vize-Präsident


Admin: delete entry Tony  22/06/05   12:54:19 Date
Message J'ai trouve votre site tres interessant, felicitations.


Admin: delete entry RER Luxembourg a. s. b. l. rer  [ät]  rer [PUNKT] lu  22/04/05   19:08:36 Date
Message Jenifer,
Do gëtt et der eng "Hellewull". Probéiert einfach iwwer eng Suchmaschinn, z.B.: www.google.lu, ...google.de, ...altavista o. ä. mat de Stéchwieder "Verkehr Luxemburg", "Transport Luxemburg", "Öffentlicher Transport Luxemburg"... Do fand Dir och vill "Links"


Admin: delete entry jenifer sang_dothi [ät] yahoo [PUNKT] fr  22/04/05   14:50:06 Date
Message majo, ech wollt iech froen ob daer net villait eng hp oder saiten iwwer verkeier, verkeiersituationen a letzebuerg, öffentlicher transport... kennt. am beschten wier et op daitch! merci am viraus


Admin: delete entry Pol  14/12/04   13:12:36 Date
Message Juhuu! Esouguer Dir konnt mir och keng Äntwert op meng Froe gin firwat mit en Train-Tram brauchen : )
Dat stemmt mech optimistesch dass ech, den RER Letzebuerg an de Georges Schummer guer net esou falsch kenne leien!
Ech mengen elo kann ech berouegt Kreschtdag feieren a wenschen Ierch och e schéint Fest.
Vläicht schenkt jo ee mir eng elektresch Eisebunn déi ech dann am Keller opstelle kann wou se kee stéiert an awer hier Missioun erfellt!

PS: Als läscht Erklärung (a Widderhuelung): mam staarken Zuch an dem schwaache Glidd "Train-Tram" mengen ech dat am Bezuch op d'Transportkapazitéit déi mir zu Spetzestonne brauchen. E staarkt Reckgrad an eng Feinverdeelung mat Tram oder Bus. Mee dat wesst dir wahrscheinlech souwiesou schon.


Admin: delete entry C. Oswald oswaldcl [ät] pt [PUNKT] lu  14/12/04   12:31:39 Date
Message Dir musst an d'Politik goen, Här "Pol", allerdings dee Moment ënnert Ärem volle Numm. Dir musst Iech och eng Partei eraussichen, déi de "BB" kompromësslos ënnerstëtzt. Sou radikal (oder opportunistesch?) ka wuel nëmmen den ADR sinn, also déi Partei, déi de ganze Problem vill méi bëlleg mat Gelenkbusse léise wollt.

Ech mengen et hëlleft och neischt, wann Dir (oder den Här Schummer) ëmmer nees kraaftvoll Ausdréck gebraucht a vun enger "leeschtungsstaarker" Eisebunn schwätzt, fir deem e "schwaacht Glitt" entgéintzehalen. Dat ass Reklamm fir de "BB", méi net.

Dach, ech kënnt Iech Recht ginn, wann et wierklech esou wier. Kuckt, och de Bus ass e "schwaacht Glitt", dat permanent am Stau hänkebleift, an dofir komplett onattraktiv ass. Dir musst dem Här Sales an der FLEAA dat emol erzielen ...!

Oder hutt Dir nach ni eppes vu Busspuren an Ampelschaltungen héieren, déi dat "schwaacht Glitt" sënnvoll opwäerten?

Et schéint mer éischter, wéi wann d'Tunnelbefürworter eng panesch Angscht dervir hunn, dass den Train-Tram e Succès kënnt ginn. Dofir maache si alles, fir den Train-Tram schlechtzerieden.

Mee mam ville Schwätzen alleng geet et net duer. Dir hutt e Problem, Här "Pol", nämlech dass Dir d'Politik – an zwar net nëmmen den ADR mee op d'mannst 31 vu 60 Deputéiert – vum "Modell Schummer" iwwerzeege musst. Ech wënschen Iech vill Spaass, an dass Dir bei dësem Wieder keng kaal Féiss kritt!

Claude Oswald


Admin: delete entry Pol  14/12/04   12:16:08 Date
Message Dat as den Nodeel wann een als Regierung e Kompromiss maachen a siche muss:
Jidferee get esou wäit no bis een op engem gemeinsamen Nenner land. Op dem klengste gemeinsamen Nenner.
Dass do vun enger méiglecherweis gudder Léisung net vill iwwreg bleift wat den Opwand rechtfertegt as an desem Fall dat trauregt Resultat.
Am Oktober virun engem Joer wéi den mobilitéit.lu (mobilitéit.lu as e gesamt Konzept fir dat ganzt Land mat ville gudden Iddien, e Kapitel vum mobilitéit.lu as de manner gudde Modul K (Train-Tram um Kierchbierg)) ofgeseent gin as konnt een dat esouguer esouguer live op ChamberTV materliewen:
Déi Rout hu gesot, si géiffen den et net fir déi bäscht Léisung halen, giffen awer dervir stemmen fir dass iwwerhaapt emol eppes geschitt! (Pol:Et wollt ee jo koalitiounsfäheg bleiwen)
Déi Greng hu begréisst dass en Tram gebaut soll gin, hun allerdengs gesot dass de Modul K alleng net vill brengt an hun dovir virgeschloen, d Streck direkt bis an d Stad ze verlängeren (as ofgelehnt gin)
Déi Blo ware souwiesou dervir an d'CSV war hiere Koalitiounspartner déi natiirlech dann och net engem bloen Transportminister an de Reck falen.
Den ADR war fir de BB (sou dass déi aner Parteien sech dann mengen automatesch distanzéieren ze mussen.

Ech well elo hei net déi enzel Parteie géinteneen ausspillen, ech well just weisen dass et net grad esou kloer an däitlech as wéi dat schengt. Do as och vill Parteipolitik am Spill. Et kann ee jo och net emmer erem vun engem Projet op den näxten opsprangen.

Dir sot den RER wier iwwerproportionnéiert fir de Stadzentrum. Genau déi selwecht Zich komme vun der Gare a fueren jo awer duerno weider op de Kierchbierg, wou dir jo sot dass d'Leit wierklech hi wellen, ausserdeem get et en Uschloss fir de Lampertsbierg (Lyceen).
A wann dir wierklech eng Stadt-Umfahrung wellt well den Zentrum net wichteg sollt sin: Firwat brauch een dann en Train-Tram fir déi 2 km laanscht de Bvd. Kennedy? Hei geet et jo awer wuel dann éischter drem e Fait accompli ze schaafen fir duerno méi einfach AWER en Tram an de Stadzentrum ze kréien. Déi ennerierdeg Statioune vum BB kennen de Grond net sin, de Modul K huet och eng Statioun am Tunnel (Schoetter Marial) 30 Meter ennert dem Buedem.

Also nach eng Kéier:
Firwat soll déi bäscht Verbindung teschent zwou (leeschtungsstarken) Eisebunnslinnen eng Train-Tram-Verbindung sin? Duerch si missten nämlech déi vill Leit déi dir ronderem d Stad (iwwert de Findel) féiere wellt an déi mat 2-Stäckegen Zich z.b. aus Frankräich, vun Esch oder Diddleng kommen iergendwann op den Tram emklammen (z.b. bei de Foireshalen oder op der Gare).

Do kommen da mat Secherheet méi laang Waardezäiten eraus wéi virun de BB-Lifter. (Emklammen vun engem 2-Stäckegen 190m-Zuch op (min.) eng hallef Dosen eestäckeg 75-Meter-Trammen).
Iwwregens: Sou wäit ech wees as d'Emklammstatioun bei de Foireshalen och ennerierdesch geplangt!

Elo sin ech awer op är Äntwerten gespaant, Här Oswald!
Ech wees dass ech IERCH net iwwerzeecht kréien, awer ech sin optimistesch, dass d'Politik d'Kéier nach kritt!


Admin: delete entry C. Oswald oswaldcl [ät] pt [PUNKT] lu  13/12/04   17:45:22 Date
Message Här Pol!

Et waren der scho vill déi soi-disant just eist "Bescht" wollten …

Ceci dit, brauch ech awer Äre guttväterleche Rot net fir mer ze soen, wat fir mech dat "Bescht" ass. Ech bilde mer méng Meenung selwer a loosse mech weder duerch bëlleg Polemik nach duerch parteipolitesch Intrigen dovun ofhalen. Där ware nämlech viru 5 Joer méi wéi genuch am Spill.

(A propos: Wousst Der schonn, dass sämtlech politesch Parteie just eist "Bescht" wëllen, obschonn dass se sech permanent zerklappen, an een deem aner widderspriechen?).

D'Situatioun ass haut eng aner wéi 1999. De Georges Schummer huet emol sënngeméiss gesot, en hätt sech aus dem ganze Streit rondrem de BTB zeréckgehal, an eréischt wéi e gesinn hätt dass et neischt gouf, wier hie mat séngem Virschlag an d'Ëffentlechkeet getrueden.

Dir verzeit mer, wann ech elo net all Punkt a Komma eremginn hunn!

D'Tram asbl war iwwregens eng vun den éischten Associatiounen, déi de Georges Schummer deemols invitéiert huet, fir iwwert säi Projet ze schwätzen. Mir ware virwëtzeg, awer mir hunn duerno iwwert séng Iddi diskutéiert an eis eng Meenung gebild.

Dat wat vun offizieller Seit, vum deemolegen Transportminister Henri Grethen als "Null plus"-Variant an de Raum gestallt gouf, huet eis natierlech net zefriddegestallt.

Mee méi spéit - et seet ee jo: besser spéit wéi ni - huet och den Här d'Grethen d'Kéier kritt an e bësschen eppes anescht proposéiert.

Et kann ee wuel soen, dass dat wat aktuell um Dësch leit, mehrheitsfäheg ass, well et vun enger CSV-DP-Koalitioun ausgeschafft an ofgeseent gouf, a well et elo vun enger CSV-LSAP-Regierungskoalitioun emgesat soll ginn.

Drei Parteien, an ech géif soe plus déi Gréng sinn sech also méi oder wéineger eens, fir dat do ze maachen. Just den ADR mat sénge 5 vu 60 Sëtz ass dogéint.

Ech froe mech dofir, ob Dir gutt berode sitt, wann Der permanent géint eppes stänkert an Iech fir e "BB" asetzt, deen an där Form net mehrheitsfäheg ass.

Ech soen Iech entre parenthèses, dass Är "Frënn" vum ADR mat Gelenkbusse fuere wollten, an dass och déi Stater Buergermeeschtesch Lydie Polfer am Stater Cercle vun engem futuristesche Bussystem geschwärmt huet, fir géint de BTB Politik ze maachen.

Da kroute mir selwer ëmmer nees gesot, dass de Stadzentrum net à tel point wichteg wier, dass een do mat engem Tram, geschweige denn mat engem Zuch fuere misst. D'Bild vun der Busgare um Hamilius, wou Tonne Leit lafen, géif nämlech täuschen. Déi meeschte Leit géife vum Kierchbierg kommen a wëllte séier heem, op Miersch oder op Esch, an d'Lorraine oder an d'Belsch.

Esou gesinn, ass net nëmmen den Tram duerch d'Stad e bësschen iwwerflësseg, mee dat gëlt da gradesou fir Ären R.E.R., deen total iwwerproportionéiert ass. Et kann ee nämlech vill méi kamoud rondrem de Stadzentrum fueren, sou wéi dat aktuell geplangt ass.

Mee wann ee wéi mir der Meenung ass, dass een de Stadzentrum aus urbanisteschen an touristeschen Iwwerleunge net lénks leie loosse soll, da soll een dat mat engem Verkéiersmëttel maachen, dat sech op aner Plaazen am Ausland beschtens bewäert huet.

An deem Sënn géif ech d'Stad Lëtzebuerg och éischter mat Freiburg oder Mulhouse vergleichen, wéi mat Paräis oder Moskau. Wa mer zu Paräis géife liewen, kënnt ech Ärt Raisonnement zur Nout nach verstoen.

Claude Oswald


P.S. - Dir sot, beim BTB wier just all véierten Tram duerch d'Stad gefuer. Ech hunn dat am Gespréich mat de Fachleit allerdings anescht verstan gehat … mee leider ass et jo esou, dass de ganze Projet vu bestëmmte Leit systematesch a mat vill "Tamtam" zerried gouf, sou dass eng konstruktiv Diskussioun déi dat Ganzt hätt kënnten ausreife loossen, iwwerhaapt net zustane koum.

Mer hunn, ech soen dat riichteraus, 5 bis 6 Joer verluer, a mer kënnten haut vill méi weit sinn.


Admin: delete entry Pol  13/12/04   16:05:23 Date
Message Här Oswald:
Dir hudd virun enger Zäit geschriwwen, et hätt Ierch leed (oder wéi) gedoen, wéi deemols de BTB zerried gouf, deelweis och vu Leit déi net vill Ahnung vun der Matière haten.
Wa mir eis elo fir en RER oder BB asetzen, dann well mir fannen dass den Train-Tram méi Nodeeler brengt wéi en der léist an een déi Sue vill méi wierkungsvoll investéiere kéint. Dorunner ännert Dir näischt andeem dir Ierch hei am Guestbook een nom anere virknäppt. Mee wann et Ierch en Trouscht as: Eist Engagement as net perséinlech géint Ierch geriicht. Net traureg sin! Mir welle just dat bäscht fir eis ALL!


Admin: delete entry Pol  13/12/04   15:42:19 Date
Message Dat as richteg, ech setze mech tatsächlech stur dervir an, dass mir eise Verkéiersproblemer meeschter gin.

Ech hu jo prinzipiell näischt géint en Tram oder Train-Tram, mee wann eppes gebaut soll gin, da soll en och eng Verbesserung duerstellen.

Et as richteg, dass déi Stater Leit bestemmt gär giffen mat engem Tram akaafe fueren (ofgesin dervun dass d Geschäftsleit beim BTB scho keng Baustelle méi an hiere Stroosse wollten). Dat wier secher agreabel, awer zu denen Zäiten zu denen en Tram déi néideg Transportkapazitéiten zur Verfügung stellt (9-12 Auer, 14-15:30 Auer, 19-23 Auer) gin déi aktuell BUSlinnen och duer fir d'Leit ze transportéieren.

Wa scho Suen investéiert gin, da soll dat fir eng Léisung sin, déi och zu de Spetzestonnen dem Menschenundrang meeschter get.

Erennerung: Beim BTB as gesot gin, dass maximal all 4. Zuch als Train-Tram kéint duerch d Stad fueren well et soss zu engem Verkéiers-chaos giff kommen. Et as awer elo schon esou, dass moies géint 8 Auer a Mettes vu 4-6 Auer d'Eisebunnszich voll sin. Dobäi huet en CFLszuch haut scho méi eng héich Transportkapazitéit wéi en Train-Tram.

Froen un den Här Oswald:

-Wéi stellt dir Ierch vir dass eis Verkéiersproblemer geléist kenne gin (Stauen moies an owes) andeems Train-Trammen agesat gin déi maximal 75m laang sin verglach mat 190m vun engem Zuch?
-Wa beim BTB just all 4. Tram duerch d Stad hätt kenne fueren, wéi kommt dir dann derzou, dass een op en Train-Tram manner laang misst waarden wéi op en Zuch, dee vum Stroosseverkéier onofhängeg as a wou ALL Zuch duerch d Stad fuere kann?
-Wann e Grenzgänger net mat engem RER an d Stad akaafe fiert, firwat sollt en dat dann mat engem Train-Tram maachen? Besonneg wann e wahrscheinlech mam Auto ennerwee as well et sech net esou gudd mat engem Tram vu Metz op de Kierchbierg fiert.


Admin: delete entry C. Oswald oswaldcl [ät] pt [PUNKT] lu  13/12/04   15:29:04 Date
Message Nach e Pefferkär …

Ech fanne, wann de Präsident vun der USILL säi Posten dozou "benotzt", fir ëffentlech Stëmmung ze maache géint e Projet, dee vun der virechter Regierung ausgeschafft a vun der neier Regierung emgesat gëtt, dass de Präsident vun der USILL an deem Fall esou fair soll sinn, dass e sech déi nächste Kéier dem Wielerverdikt stellt.

Ech fannen et nämlech net ganz "propper", wann de Präsident vun der USILL den Usproch erhieft de Leader vun enger Art "ausserparlementarescher Oppositioun" ("APO") ze sinn, deen awer net duerch allgemeng an demokratesch Wahle legitiméiert ass. Souweit ech héieren hunn, sinn och net all Delegéiert vu sämtlechen Interessevereiner mat him d'accord …


Admin: delete entry C. Oswald oswaldcl [ät] pt [PUNKT] lu  13/12/04   11:02:30 Date
Message De Pefferkär …

… ech wëll op dëser Plaaz eppes soen, wat e bëssche méi allgemeng ass.

Ech mengen, den Här Pol an ech sinn eis net eens. Ech weess net, ob mer probéieren een deen aner ze iwwerzeegen, mee ech ginn awer dovun aus, dass mer alle béid zimmlech stur sinn.

Ech géif esouguer soen, den Här Pol ass Gott sei Dank net Transportminister! Wahrscheinlech denkt hien dat Selwecht vu mär.

Also, dass ech him bis elo keen iwwerzeegend Argument liwwere konnt, hänkt wahrscheinlech net un deem wat ech him ze erkläre versicht hunn, mee et hänkt drun, dass den Här Pol op de "BB" fixéiert" ass. Ëmgedréint wäerd hien dat Selwecht vu mär behaapten.

Dat heescht awer net, dass aner Leit méng Argumenter net verstinn. Sou wéi et jo och Leit gëtt, déi fir den Här Schummer duerch d'Feier ginn.

Ech ziele mech allerdings net zu dene "Fanatiker", déi d'Welt onbedingt verbessere wëllen, an déi aner Leit hir Religioun opzwénge wëllen. Oder déi engem den Androck ginn, si hätten d'Wourecht fir sech gepacht, a si wieren onfeelbar.

Ech géif dem Här Pol dofir virschloen, hie soll sech déi nächste Kéier mat séngem voll Numm beim ADR opsetzen an de "BB" zu engem grousse Wahlkampfthema maachen. E soll allerdings oppassen, dass den ADR dee Moment net schreift, de "BB" géif ze deier ginn, an et kënnt een dat Ganzt gradesou gutt a vill méi bëlleg mat Gelenkbusse maachen.

Bis dann,

Claude Oswald


Admin: delete entry C. Oswald oswaldcl [ät] pt [PUNKT] lu  13/12/04   10:43:19 Date
Message Här Pol …!

Dir sitt witzeg, an dat gefällt mer!

Mir kënne jo éiweg esou virufueren, dass jiddereen deem aner séng Argumenter zerpléckt. Oder deem aner séng Wierder am Mond verdréint.

Ech hu ni gesot, d'Grenzgänger géife mech net interesséieren. Dat ass Är Interpretatioun!

Mee dann erlaabt mer, dass ech méngerseits Är Behaaptung interpretéieren, d'Leit hätte soss neischt am Kapp, wéi no Feierowend eis Stad esou séier wéi méiglech ze verloossen.

Heescht dat, dass eis Stad net schéin a net attraktiv ass …?

Ech war dëser Deeg zu Freiburg, an ech hu gesinn, dass et do net nëmme ganz schéin ass, mee dass den Tram matten duerch d'Foussgängerzon fiert. Eng Frechheet, fannt Dir net?

Eis Stad Lëtzebuerg ass scho méi laang krank. Et ass effektiv esou, dass se am Verglach zu aner Stied am Ausland net méi attraktiv ass. Dat hu Leit déi et besser wësse mussen, geschriwwen. Et feelt eng "Lokomotiv", an et feelt e gewësse "Mix" vu Geschäfter, sou wéi e fréier bestanen huet.

Vläicht war et e Feeler, dass eis Politiker eeseiteg op d'Banken an op d'Europäesch Institutioune gesat hunn. Déi brénge wuel Geld an, mee d'Stad ass awer net méi "d'Stad". Gitt emol op Metz kucken!

Bei de Grenzgänger däerfe mer eis keng Illusioune maachen: Déi kommen op Lëtzebuerg fir Geld ze verdingen. Wann déi um Kierchbierg schaffen, hunn se no Feierowend effektiv just ee Gedanken, nämlech esou séier wéi méiglech heem an d'Lorraine, oder an d'Belsch respektiv op Tréier ze fueren. Déi Stater Geschäftsleit déi eventuell hoffen, mat Ärem "BB" géifen d'Grenzgänger séier nach an d'Groussgaass akafen an déi iwwerdeiert Preiser bezuele kommen, maache sech Illusiounen.

Dir kënnt Iech den Arrêt am Tunnel, 50 Meter déif ënnert dem Buedem an deem Fall spueren. Dir kënnt déi Leit gradesougutt rondrem d'Stad op de Kierchbierg féieren, sou wéi dat elo virgesinn ass.

Souguer fir Lëtzebuerger ass d'Stad (leider) net méi attraktiv. Ech héieren dack, dass d'Geschäfter deier sinn, an dass et am Ausland méi bëlleg ass. Dorunner ännert och de "BB" neischt!

Mir hu kee Kino méi am Garer Quartier, mee dofir hu mer do just Problemer. Mir hunn elo definitiv och kee Kino méi am Stadzentrum (Place d'Armes). Déi Jonk fueren an den Utopolis, an dee leit ganz hannen um Kierchbierg, sou dass ee soe kann, et brauch een dofir keen Arrêt 50 Meter déif ënnert dem Centre Hamilius. Et féiert een d'Kanner rondrem d'Stad direkt op de Kierchbierg.

Den Här Paul-Henri Meyers vun der CSV huet viru kuerzem nach zu Bouneweg bei enger Table Ronde vum Mouvement Ecologique zouginn, dass d'Mobilitéitszentral ënnerierdesch am Centre Hamilius net glécklech ass. Dir wësst ganz sëcher - ausser Dir géift ni an d'Stad goen - dass déi meeschte Leit déi ënnerierdesch Passage meiden. De "System Schummer" huet ni esou funktionéiert, wéi dat ursprünglech geplangt war!

Jiddefalls huelen ech zur Kenntnis, dass Äre Frënd den Här Schaeffer mat séngem Drang, d'Welt onbedingt nom Här Schummer séngem Schema "verbesseren" ze wëllen, um CSV-Kongress dëse Weekend duerchgefall ass. Déi Leit wäerte jo wësse firwat.

Bis dann eng aner Kéier, Här Pol XY!

Claude Oswald


Admin: delete entry Pol  13/12/04   09:21:22 Date
Message Intressant, Här Oswald!
Dir schreift dass ee beim Helleg-Geescht-Lift nie laang waarde muss well do net vill Leit matfueren.

Den Helleg-Geescht-Lift as tatsächlech relatv kleng an net besonneg séier (am Vergläich zu dem wat technesch machbar as). Mee ech fannen et awer ganz passend, dass Dir Paralellen zum Train-Tram resp. RER zitt:
Mir hun an desem Fall eng kleng Kapazitéit fir e puer Leit, déi heianso gedrepst kommen (Foussgänger aus der Stad) an de Gronn oder zreck ze brengen.
Fir grouss Masse vu Leit geet dee Lift wierklech net duer. An dofir fuerdert Dir dann en Train-Tram-System deen ebenfalls nemmen e Brochdeel vun engem RER transportéiere kann an dofir nemme fir Stater Leit attraktiv as (Och wann iwwerhaapt nach keng Tramsstreck duerch d'Stad virgesin as).

Déi "aner, d'Grenzgänger déi kee Wahlrecht hunn" wéi Dir sot intresséieren Ierch eben net.

Ech selwer sin zwar kee Grenzgänger, mee ech wunnen och net an der Stad. Schued dass den Här Oswald sech net fir eng Verbesserung fir Leit wéi mech asetzt (Dat selwecht gelt iwwregens fir Awunner aus senger eegener Gemeng, oder Escher a Mierscher). Ech well moies séier an d Stad an owes séier eraus. Wann ech méi wéilt gesin giff ech mat deenen neie Sightseeingbussen en Tour ronderem fueren, do get et nämlech och nach Erklärungen zu de Sehenswürdegkeeten.

Mee virwat soll en RER nemmen all hallef Stonn fueren? En Zuchsystem bidd op d Mannst d'Méiglechkeet mat groussen ODER klengen Zuchgarnituren ze fueren an déi dann de Passagéierzuelen unzepassen (och zu Spetzestonnen). Et existéieren och Zich, déi net méi grouss si wéi en Tram, déi kennen da moies um 11 Auer agesat gin. Dat as dach méi logesch wéi e System deen de ganzen Dag gläichméisseg ausgelaascht as fir e puer Stater Leit bei den Namur ze kutschéieren während sech moies an owes nach emmer Stauen op de Grenze vun der Stad bilden.

Ech bewonneren den Här Oswald fir seng Gedold wann hie seet, hien hätt näischt géint en Tram oder e Buss, deen zwar e bessche méi laang brauch, mee engem dofir eng fräi Siicht op de Feierowendverkéier erméiglecht. Ech selwer hun awer och nach aner Hobbien mat denen ech meng Owender well verbrengen an ech mengen (an hoffen) dass ech do net den eenzege sin.

A Propos Tourismus: Ennert dem Buerdem gesäit een zwar net esou vill vun der Stad, awer wann ech kukke wéi vill Leit sech all Dag d'Kasematten ukukken, kann et ennen am Fiels guer net esou schlemm sin! Frot nemmen d'Melusina : )

Ech si gespaant a free mech op dat näxt Hoer an der Zopp. Et berouegt mech awer dass déi meeschten Hoer sech em seng Tunnel-a Lift-ängscht dréien an souguer hien nach keen iwwerzeegend Argument liwwere konnt. (Och wann ech elo riskéiern dass hie mer elo virwerft ech hätt Iebessen an den Ouren, nemme well ech déi meescht vu sengen Argumenter net deelen).


[Säit virdrun] 1 2 3 4 [Säit duerno] 

Y-a-p-Gb